Is é gnó na hOifige úinéireacht thairbhiúil gach cuideachta agus I&P Éireannach a chlárú agus sonraí den sórt sin a chur ar fáil ar bhonn teoranta. Déanfaimid ár ndícheall:

• Sonraí faoi úinéireacht thairbhiúil idir nua agus leasaithe a chlárú laistigh de 10 lá oibre
• Gach Ábhar Sonraí a chur ar an eolas laistigh de 10 lá oibre i gcásanna ina dtarlaíonn earráid sa phróiseas chun faisnéis a sheoladh isteach - Litreacha le seoladh faoi shaincheisteanna laistigh de lá oibre amháin ón am a thuairiscítear aon earráidí.
• Freagra a thabhairt ar cheisteanna ríomhphoist laistigh de 10 lá oibre.

Foireann bheag thiomnaithe atá in Aonad an RBO. Is tríd an láithreán gréasáin a chuirfimid ár seirbhís líne tosaigh agus formhór ár gcuid faisnéise ar fáil. Is féidir le haon chustaiméir ar mian leis teagmháil a dhéanamh leis an Oifig é sin a dhéanamh trí ríomhphost nó tríd an bpost. Leanfaimid orainn ag cinntiú go mbeidh foireann ardoilte agus cáilithe ag obair san Aonad.

Mar sin féin, faoi na Rialacháin um Chosaint Sonraí, ní féidir le haon bhall d’Oifig an Chláir um Úinéireacht Thairbhiúil sonraí faoi chásanna aonair nó faisnéis phearsanta a phlé ar an bhfón. Is féidir déileáil le hIarratais ar Rochtain ó Ábhar Sonraí trí ríomhphost.

SUÍOMH GRÉASÁIN

Is é suíomh gréasáin an Chláir um Úinéireacht Thairbhiúil a bheidh mar phríomhfhoinse faisnéise. Tá rún againn:

• faisnéis chruinn, cothrom le dáta a sholáthar

• Leanúint ar aghaidh ag cloí le treoirlínte faoi inrochtaineacht ghréasáin

   

• A chinntiú go bhfuil faisnéis éasca a fháil agus inrochtana

   

• Foirmeacha iarratais ar líne a sholáthar a bheidh so-úsáidte

   

• Áiseanna ceannródaíocha maidir le cuardach ar líne a bheith againn

• Agaí neamhfhónaimh a choinneáil faoi bhun 1%

   

• Foláirimh a thabhairt faoi aon agaí neamhfhónaimh chun críocha cothabhála

RÍOMHPHOST

Agus daoine ag dul i dteagmháil leis an RBO trí r-phost tá sé mar aidhm againn:

• gach r-phost a admháil nuair a fhaightear é

   

• freagra a thabhairt ar gach ríomhphost chomh pras agus is féidir

   

• gach ceist a threorú, nuair is ábhartha, chuig na rannóga cuí sa chuid Ceisteanna Coitianta ar an láithreán gréasáin.

   

• scríobh ar bhealach soiléir

LITREACHA TRÍD AN BPOST

Nuair a sheolfar litreacha chugainn, beidh sé mar aidhm againn:

• gach comhfhreagras a admháil laistigh de 10 lá oibre, freagraí iomlána a thabhairt laistigh de 15 lá oibre i 90% de na cásanna. Mura féidir é sin a dhéanamh eiseofar freagra eatramhach a chuirfidh in iúl duit cathain is féidir leat a bheith ag súil le freagra iomlán

   

• Scríobh ar bhealach simplí, soiléir

   

• Ainm agus uimhir theagmhála, seoladh agus seoladh ríomhphoist a sholáthar ar gach comhfhreagras.

GINEARÁLTA

Beidh sé mar aidhm againn ár gcustaiméirí a choinneáil ar an eolas trí:

• fhreastal ar laethanta oscailte arna n-eagrú ag oifigí fiontair áitiúla agus ag comhlachtaí ionadaíocha gairmiúla ar fud na tíre

• na meáin shóisialta a úsáid

   

• feachtais fógraíochta a reáchtáil

   

• An Láithreán Gréasáin a choinneáil cothrom le dáta trí eolas cruinn a chur air

Má tá tú míshásta leis an tseirbhís a fuair tú ón RBO agus mura féidir an cheist a réiteach chun do shástachta trí dhéileáil leis an mball foirne, is féidir leat gearán foirmiúil a dhéanamh le hOifigeach Faisnéise an RBO (féach ar na sonraí teagmhála thíos). Déileálfaidh Oifigeach Faisnéise an RBO le do ghearán ar bhealach cothrom, ceart agus go neamhchlaonta de réir an chleachtais is fearr.

Mura mbíonn tú sásta le toradh an imscrúdaithe a dhéanfaidh Oifigeach Faisnéise an RBO, beidh sé de cheart agat achomharc a dhéanamh le hoifigeach sinsearach. Má bhíonn an t-ábhar fós gan réiteach, beidh sé de cheart agat achomharc breise a dhéanamh chuig Oifig an Ombudsman.

Mar sin féin, faoi na Rialacháin um Chosaint Sonraí, ní féidir le haon bhall den Chlár um Úinéireacht Thairbhiúil sonraí faoi chásanna aonair nó faisnéis phearsanta a phlé ar an nguthán. Is féidir déileáil le hIarratais ar Rochtain ó Ábhar Sonraí trí ríomhphost.

Cloíonn an Clár um Úinéireacht Thairbhiúil go hiomlán le téarmaí an Achta um Shaoráil Faisnéise 2014. Déanfaimid gach iarracht an oiread faisnéise agus is féidir a thabhairt duit go neamhfhoirmiúil, gan dul i muinín téarmaí an Achta. Mar sin féin, más mian leat iarratas foirmiúil a dhéanamh faoin Acht, ba cheart duit dul i dteagmháil leis an oifigeach um Shaoráil Faisnéise. Guthán: (01) 804 5200.

Beidh sé mar aidhm againn ár ndícheall a dhéanamh chun cabhrú lenár gcustaiméirí ar mian leo a ngnó a dhéanamh trí Ghaeilge de réir ár n-oibleagáidí faoi Acht na dTeangacha Oifigiúla 2003. Má scríobhann tú chugainn i nGaeilge, freagróimid thú i nGaeilge. Foilseoimid doiciméid thábhachtacha amhail ár dTuarascáil Bhliantúil i nGaeilge agus i mBéarla go comhuaineach.

Foilseoimid faisnéis agus ábhar eile i nGaeilge ar ár suíomh gréasáin - www.rbo.gov.ie. Tá an chairt chustaiméirí seo ar fáil i nGaeilge.

Níl rochtain ag an bpobal i gcoitinne ar Oifig an Chláir um Úinéireacht Thairbhiúil. Má tá ceist agat a bhfuil eolas sonrach faoi úinéireacht thairbhiúil riachtanach lena freagairt, féach ar ár láithreán gréasáinwww.rbo.gov.ie. le fáil amach an bhfuil freagra do cheiste le fáil air. Má bhíonn do cheist fós gan réiteach, tar éis duit an chuid “ceisteanna coitianta” ar láithreán gréasáin RBO a bhrabhsáil, is féidir leat an cheist a sheoladh trí ríomhphost chuig: enquireis@dbei.gov.ie

Bíonn an oifig dúnta ar Laethanta Saoire Phoiblí agus Bainc.

SONRAÍ TEAGMHÁLA

Is féidir teagmháil a dhéanamh go díreach leis an Uasal Mark Donoghue, Oifigeach Faisnéise an Chláir um Úinéireacht Thairbhiúil agus Oifigeach Rochtana ag:

An Oifig um Chlárú Cuideachtaí,

Teach Bloom, Plás Gloucester Íochtarach, Baile Átha Cliath 1

Teileafón: (01) 804 5251 Ríomhphost:mark.donoghue@dbei.gov.ie

TABHAIR DO D'AIRE:

Má theastaíonn uait iarratas SAR a dhéanamh tabhair faoi deara, ar mhaithe le héifeachtúlacht riaracháin, gurb é r-phost an fhormáid is fearr linn chun SARanna a chur isteach chuig an RBO, ach go nglacfaidh an RBO freisin le SARanna i scríbhinn nó ó bhéal nuair is mian leis an iarratasóir SAR a dhéanamh faoin Acht um Míchumas 2005 agus tá Oifigeach Rochtana ainmnithe ag an RBO ar féidir leis cabhrú chun an tasc seo a chur i gcrích.